काठमाण्डु, २२ फागुन–नेकपा एमालेको मेची महाकाली अभियान अन्र्तगत सोमबार सप्तरीमा हुने जन सभा गर्ने ठाँउमा मोर्चाका कार्यकर्ताले विरोध गरेपछि कार्यक्रमस्थल सारिएको छ । मोर्चाका कार्यकर्ता कुनै पनि हालतमा यो सभा गर्न दिने मनस्थितीमा छैनन् ।
मोर्चा र एमालेबीच झडपको अवस्था रहेकाले ठुलो संख्यामा प्रहरी र सशस्त्र प्रहरी परिचालन गरिएको छ ।
मधेसी मोर्चाले सोमबार एमालेले गर्न लागेको विशाल जनसभालाई जिल्लाका विभिन्न स्थानमा लाठी जुलुसको आयोजना गरेको छ । सुनसरीबाट सप्तरी जिल्लामा प्रवेश गर्ने सिमास्थलमा रहेको भारदहमा सोमबार लाठी जुलुस प्रदर्शन गरिने मोर्चाले जानकारी दिएको छ ।
राजविराजको राज रंगशालामा सोमबार एमालेले गर्ने भनेको जनसभास्थल सारेको छ । रंगशालाको कार्यक्रम औद्योगिक क्षेत्रमा सारेको हो ।
मोर्चाका कार्यकर्ताको उक्त स्थानमा पनि ठुलो संख्यामा उपस्थित भएर प्रदर्शन गरिरहेका छन् । संभावित घटना हुन सक्नेदेखेपछि बाक्लो संख्यामा सुरक्षाकर्मीको उपस्थिति रहेको छ ।
घटना हुन नदिन सुरक्षा निकायले विशेष निगरानी राखेका छन् ।
