असार २१ गते
काठमाडौं– अदातलतले मागेको धेरौटी बुझाउन नसकेपछि जेल चलानको आदेश भएका दुई नक्कली प्रमाणपत्रधारी चिकित्सक आईसियूमा भर्ना भएका छन् । धरौटी तिर्न नसकेका पन्नालाल पटेल र मोहम्मल रुहुल्ला जेल जान पर्ने भएपछि बिरामी भएको नाटक गरेर अस्पतालको आईसियुमा भर्ना भएका हुन् ।
उनीहरुमध्ये रहुल्लालाई ३५ लाख र पटेललाई १५ लाख रुपैयाँ धरौटी मागिएको थियो । एकरात आईसियूमा बिताइसकेका उनीहरुले धरौटीको जोहो गरिरहेको र रबम जम्मा हुने बित्तिकै ‘निको हुने’ नीति अपनाएका हुन् । नक्कली प्रमाणपत्रका आधारमा पक्राउ परेका डाक्टरलाई एउटै कसुरमा फरक–फरक सजाय पाएका छन् । प्रहरीले पक्राउ गरेका ३६ जना नक्कली प्रमाणपत्रधारी चिकित्सकमध्ये २१ जना सामान्य धरौटीमा छुटेका छन् । तीन जनालाई प्रहरीले अख्तियारमा बुझाएको छ भने धेरै धरौटी तोकिएका ४ जनाले बुझाउन नसक्दा जेल चलान भएका छन् । कुनै जिल्लामा प्रहरीको मागदाबीअनुसार नै धरौटी माग भएकाले धेरै धरौटी बुझाउनुपर्ने भएको हो भने कुनै जिल्लामा सामान्य धरौटी माग गरिएको हो । तीमध्ये काठमाडौंमा पक्राउ परेका चार सामान्य धरौटीमै छुटेका छन् । अरुण गुप्ता र गणेश शाह १÷१ लाख तथा बुद्धिमान श्रेष्ठ र विनिता मण्डल ५०÷५० हजार धरौटीमा छुटेका छन् । उनीहरुमध्ये गुप्ताविरुद्ध ८१ लाखको बिगो दाबी गरी मुद्दा दायर गरिएको थियो । उनीविरुद्ध तीन बिरामीले उजुरी समेत दिएका छन् । त्यस्तै पोखरामा पक्राउ परेका महेश्वर राय यादबलाई सात लाख धरौटी माग भएको छ । धरौटी तिर्न नसक्दा उनी जेल चलान भएका छन् । सुनसरीका मनिष अर्याल पनि धरौटी तिर्न नसक्दा जेल चलान भएका छन् । उनलाई ३२ लाख २५ हजार धरौटी माग भएको थियो । पक्राउ परेका सुनिल आचार्य र रजनी अग्रवाललाई अख्तियारमा बुझाइएको जिल्ला प्रहरी कार्यालय चितवनका एसपी बसन्त कु“वरले बताए । आचार्यले पहिला प्रसूति अस्पताल थापाथलीमा काम गरेका थिए । त्यस्तै अग्रवालले वीपी कोइराला इन्टिच्यूट अफ हेल्थ साइन्समा काम गरेकी थिइन् । त्यस्तै अञ्चल अस्पताल जनकपुरमा काम गर्ने रामजी यादबलाई पनि अख्तियारमा बुझाइएको छ । पक्राउ परेकामध्ये १४ जनाले सरकारी अस्पतालमा काम गरेकाले उनीहरुलाई अख्तियारले मुद्दा दायर गर्न लागेको हो । तर, सरकारी अस्पतालमै काम गरेका केही चिकित्सकहरु भने अख्तियारमा नबुझाई रिहा भएका छन् । -स्वास्थ्य खबरपत्रिका बाट
No comments:
Post a Comment