अरुणाचलमा चिनियाँ सेनाले भारतीय सेनालाई हात हाल्यो

२ असार, काठमाडौं ।

भारतको अरुणाचल प्रदेशमा चिनियाँ सेनाले भारतीय सेनामाथि हातपात गरेको दावी भारतीय सञ्चार माध्यमले जनाएका छन् । ठिक एक साता अघि अर्थात विहिबार यस्तो घटना भएको समाचारमा उल्लेख छ ।

अरुणाचल प्रदेशको याङगत्से इलाकामा दुई देशबीचको नियन्त्रण रेखा एलएसी भन्दा भित्र पसेर चिनियाँ सेनाले भारतीय सेनालाई दुर्ब्यवहार गरेको भारतीय मिडियाको दावी छ ।

चीनको पिपल्स लिभरेसन आर्मी पीएलएले यो इलाका चीनको भएको जनाएको छ । यो इलाकामा भारतीय सैनिक तैनाथ भएको खवर पाएपछि चिनियाँ सेनाले उक्त इलाका घेरेको थियो ।

घेराबन्दी गरेर चिनियाँ सेनाले भारतीय सैनिक जवानमाथि हातपात समेत गरेको दावी गरिएको छ ।

चिनियाँ सेना भारतीय भूमिमा पसेर ३ घण्टा सम्म बसेको भन्दै भारतीय मिडियामा सनसनी मच्चिएको थियो । चिनियाँ सेना भारतको अरुणाचल प्रदेशमा पसेर ३ घण्टा सम्म बसेको टाइम्स अफ इण्डियाले जनाएको छ ।

भारतले चनमाथि आफ्नो भूमिमा अतिक्रमण गरेको आरोप लगाउँदै आएको छ । भारतमाथि नेपालमा त्यस्तै आरोप लाग्ने गरेको छ । भारतले नेपालको भूमि अतिक्रमण गरिहेको समयमा चीनमाथि भारतले भूमि अतिक्रमण गरेको र दादागिरी गरेको समेत आरोप लगाउने गरेको छ ।