शुक्रबार, २५ भदौ
धनुषा । स्थानीय प्रशासनले लगाएको कफ्र्यु अबज्ञा गर्दै निषेधित क्षेत्रमा प्रवेश गर्न खोज्दा प्रहरीसाग भएको झडपमा परि दुई जना आन्दोलनकारीको मृत्यु भएको छ ।
प्रहरीको गोली लागेर २० जना भन्दा बढी घाइते भएका छन् । प्रहरीको गोली लागी सबैलाका स्थानीय बिनोदकुमार साह र जमुनिया घर भएका २४ वर्षीय नितु यादबको मृत्यु भएको हो ।
उनीहरुलाई उपचारकालागि अस्पताल लाँदै गर्दा बाटोमै मृत्यु भएको थियो । प्रदर्शनकारीले जनकपुर क्षेत्रलाई चारैतिरबाट घेरा हाल्ने योजना बनाएको सुचना पछि प्रशासनले बिहानैदेखि कफ्र्यु लगाएको थियो ।
चारै तीरबाट घेरा हाल्ने योजना पुरा हुन नदिन प्रशासनले लगाएको कफ्यु तोड्न ढोंगा शिबपुराबाट आएका प्रदर्शनकारीहरु जनकपुर चुरोट कारखानाबाट नगर प्रवेश गरेका थिए ।
प्रहरीले रोक्न खोज्दा झडप भएको थियो । प्रहरीले अश्रुग्यास प्रहार गरेको थियो । यती गर्दा पनि तनाव भएपछि प्रहरीले रबरको गोली प्रहार गरेको थियो । उक्त गोली लागि २० भन्दा बढी आन्दोलनकारी घाइते भएका हुन् । उनीहरुको जनकपुर अञ्चल अस्पतालमा उपचार भैरहेको छ ।
भिडियो हेर्न तल क्लिक गर्र्नुहोस :
No comments:
Post a Comment