रेखा थापा पनि भर्जिन नै छिन रे, के फरक पर्छ र ?

– राजेश पायल राई, गायक
कुकुरले बिजुलीको खम्बा देख्नेबित्तिकै खुट्टा उठाउने कारण के होला ?
बिजुलीको खम्बासँग कुकुरको पुरानो दुस्मनी छ रे, त्यही भएर लु खा त भन्या रे ।
एउटी ल्याउँदा अर्की फ्रीको स्किम आयो भने के गर्नुहुन्छ ?
त्यो त काइदा नै हुने भो, अहिलेसम्म विवाह नगरेको भगवान्ले पनि हेर्दा रहेछन् भनेर सहर्ष स्वीकार्थे ।
यो दुनियाकै राम्री युवतीसँग डेटिङमा जान पाउनुभयो भने के गर्नुहुन्छ ?
म त अहिलेसम्म डेटिङ गएकै छैन, पाएको खन्डमा समय मिलाएर त्यो अनुभव पनि बटुल्थें ।
व्यस्त बजारमा कपडा फुस्कियो भने के गर्नुहुन्छ ?
त्यसलाई नियति भन्नुपर्ला, कथाले मागेको त भन्न मिलेन भन्दै फुस्किएको कपडा लगाउनुपर्ला ।
पुरुषले पनि मेकअप गर्न पाए के गर्लान ?
ए थाहा छैन, पुरुषले पनि मेकअप गर्छन् नि, केशमा कालो लगाउँछन्, क्रिम लगाउँछन् नि हौ ।
पिसाबबाट सवारी साधन चल्ने भयो भने ?
सुगर लागेको मान्छेको पिसाबले गाडिलाई पनि सुगर रोग सथ्र्यो होला ।
बुद्धको जन्मस्थल लुम्बिनी कहाँ पर्छ ?
मलाई झुक्याउने ? रूपन्देहीमा पर्छ ।
हामी कहिलेकाहीं खुसी हुँदा पनि रुन्छौं, किन ?
धेरै खुसी हुँदा नि रुने तन्तुसँग कनेक्सन भएर होला ।
साप्ताहिकमा केटाको ब्लो अप प्रकाशन गर्न के गर्नुपर्ला ?
केटाहरूको तिघ्राको रौं काटेर सलक्क पार्नुपर्छ ।
नेपाल लोडसेडिङ मुक्त क्षेत्र घोषणा भयो भने ?
टेलिभिजन र इन्टरनेट ढुक्कले चलाउन पाइन्थ्यो ।
सूर्य किन पश्चिमबाट उदाउँदैन ?
पूर्वमा अस्ताउन नमिल्ने भएर ।
रेखा थापाले बिहे गरौं भनेर जिद्दी गरिन भने ?
उनी पनि भर्जिन नै छिन रे, के फरक पर्छ र ?
स्रोत : कान्तिपुर साप्ताहिक


भिडियो हेर्न तल क्लिक गर्र्नुहोस :