रामदेव भन्छन्, ‘एक भारतीयको शिरको बदला दुई पाकिस्तानीको शिर काट्नु पर्छ’

एजेन्सी, ३१ साउन–योगगुरु बाबा रामदेवले पाकिस्तानीहरुले एक भारतीयको शिर काटे भने आफूहरुले दुई पाकिस्तानी सैनिकको शिर काट्नु पर्ने बताएका छन् ।
भारतीय स्वतन्त्रता दिवसको अवसरमा उनले पाकिस्तानलाई सबक सिकाउने भन्दै यस्तो अभिव्यक्ति दिएका हुन् ।

शनिबार हरिद्वारमा भएको कार्यक्रममा उनले भने, ‘स्वतन्त्रता दिवसको दिन पनि पाकिस्तानले सीमापारिबाट फायरिङ गरिरहेको छ । उसलाई सबक सिकाउनु जरुरी छ ।’
शनिबार कश्मिरमा पाकिस्तानी सैनिकले चलाएको गोलीबाट पाँच भारतीय नागरिकको मृत्यु भएको थियो । त्यस्तै २० भन्दा बढी घाइते बनेका छन् । भारतले स्वतन्त्रता दिवस मनाउँदै गर्दा भएको यस प्रकारको आक्रमणको चौतर्फि निन्दा गरिएको छ ।


भिडियो हेर्न तलको बाकस थिच्नुहोस