कोरियन भाषा परीक्षाको आवेदन आजदेखि खुल्ला

काठमाडौं, साउन २८–इपीएसमार्फत कोरिया जानका लागि कोरियाली सरकारले लिने भाषा परिक्षाको आवेदन बुधबारदेखि खुल्ला भएको छ ।
परीक्षा दिनेले आगामी शनिबारसम्म आवेदन फाराम बुझाइसक्नुपर्नेछ ।
यसवर्ष उपत्यकाका ३ स्थान र राजधानीबाहिर चार ठाउँबाट आवेदन फाराम बुझाउन सक्ने व्यवस्था गरिएको छ ।
राजगारीको आकर्षक गन्तब्य मानिएको कोरिया जानका लागि भाषा परीक्षा अनिवार्यरुपमा उत्तीर्ण गर्नुपर्ने हुन्छ भने त्यसपछि कोरीया जाँदा मासिक एकलाख भन्दा बढी कमाई हुन्छ ।
आवेदन फराम बुझ्ने काम सरल होस् भनेर सरकारले प्रत्येक केन्द्रमा आवश्यकता अनुसार ६० देखि ८० जनासम्म कर्मचारी परिचालन गरेको छ । यसबारे सुरक्षामर्कीहरु पनि खटाइएको छ ।
उपत्यकाको एक्मी इन्जिनियरिङ कलेज, सितापाइला, ल्याबराटरी स्कुल, किर्तिपुर र च्याासल खेलमैदान, बालकुमारीबाट आवेदन फाराम बुझउन सकिने छ ।
यस्तै राजधानीबाहिर पोखरा घरान बुटबलबाट आवेदन फाराम पाइन्छ । आवेदन फराम संकलन कार्यको कोरियाको प्रतिनिधिले अवलोकन गर्नेछन् ।
इपीएस कोरिया शाखाका प्रमुख डिल्ली बास्तोलाले आवेदन फराम बुझ्नको लागि सबै तयारी पूरा भएको जानकारी दिए ।
फाराम भर्नका लागि मंगलबार राती देखिनै विद्यार्थीहरु लाइनमा बसेका छन् । यसवर्ष करीब ६० हजार विद्यार्थीले आवेशद दिने इपीएस शाखाको अनुमान छ । यद्यपी कोरीलाई कति कामदार लैजाने भन्नेचाहीँ गोप्य रादिएको छ । तर, नेपाली कामदारको माग उच्च रहेकाले गतवर्षभन्दा बढी लैजाने बुझिएको छ ।
आवेदन फराम बुझाउँदा विद्यार्थीले २४ अमेरिकी डलर बुझाउनु पर्नेछ ।

 भिडियो हेर्न तल क्लिक गर्नुहोस्: