अल्जेरियाली विमान १ सय १० यात्रु सहित सम्पर्कविहिन

८ साउन, एजेन्सी ।

एयर अल्जेरियाको यात्रुबाहक विमान बुर्किना फासोको आकाशबाट सम्पर्क विहिन भएको छ । बुर्किनाफासोबाट उडेको आधा घण्टापछि १ सय १० यात्रु सहितको विमान सम्पर्कविहिन हुन पुगेको पुष्टी अल्जेरियाली उड्डयन सेवाले पुष्टी गरेको छ ।

ओउगा दोउगौबाट अल्जियर्सका लागि उडेको विमान केही समयमै हराएको हो ।
flight AH5017 विमान हराएपछि त्यसको खोजी कार्य शुरु भैसकेको छ । विमान दुर्घटनामा परेको समेत आशंका गरिएको छ ।
यस अघि हिँजो मात्र ताइवानमा यात्रुवाहक विमान दुर्घटना हुँदा ५१ जनाको ज्यान गएको थियो भने अघिल्लो साता मेलसियाली विमान सेवाको विमान युक्रेनको आकाशमा गोली हानी झारिएपछि २९८ जनाको ज्यान गएको थियो ।