मौन अवधि सुरु, यस्ता छन् ६ किसिमका रोक

काठमाडौं, वैशाख २९ । स्थानीय तहको पहिलो चरणको निर्वाचनका लागि गएराति १२ बजेदेखि ४८ घन्टे मौन अवधि सुरु भएको छ । स्थानीय तह निर्वाचन निर्देशिकाले मौन अवधिमा प्रचार प्रसार सहित ६ किसिमका रोक लगाएको छ ।

मौन अवधिमा दल र उम्मेदवारको प्रचारप्रसार गर्न निषेध गरिएको छ । मौन अवधिमा साउन्ड सिस्टम, सर्ट मेसेज सर्भिस (एसएमएस), सामाजिक सञ्जाल वा यस्तै अन्य कुनै साधन प्रयोग गर्न नपाइने नयाँ पत्रिकामा मा खबर छ ।

बाजा बजाउन, नाचगान गर्न, सार्वजनिक भोज, जुलुस प्रदर्शन वा जुनसुकै किसिमको सभा वा समारोह गर्न वा हुलहुज्जत वा होहल्ला गर्न समेत निषेध छ ।