सुनिलका प्रशंसकले उनको महसुर गुलाटीको अवतारलाई मन पराए । सुनिल बाहिरिएपछि कपिल शर्माको कार्यक्रमप्रति मानिसहरुको रुची कम भइरहेको भनी भारतीय संचार माध्यमले समाचार प्रवाह गरिरहेका बेला सुनिलको कार्यक्रममा मानिसको भीड लाग्दा कपिललाई अर्को धक्का परेको संचार मिडियाले बताएका छन् ।
उक्त कार्यक्रममा सुनिल नाचे र आफ्नो विभिन्न अवतार देखाएर प्रशंसकलाई कुत्कुताए । सुनिलसँगै किकु सारदा र अन्य अभिनेताको पनि प्रस्तुती थियो ।
कार्यक्रमका निर्माता रजत तनेजा मानिसहरुको उपस्थिती देखेर आफू अचम्मित परेको बताए । उक्त कार्यक्रमको निकै पहिलेदेखि योजना बनाइएको उनले स्पष्ट गरे ।
सुनिल ग्रोवरले आफ्नो कार्यक्रमप्रति मानिसहरुले दिएको माया र सद्भावका कारण खुसी भएको बताए ।
