राज परिवारसँग नाता जोडिएका यी बलिउड स्टार्स

बलिउडमा यस्ता कलाकार पनि छन्, जसले आफ्नो इच्छा पूरा गर्नको लागि मात्र फिल्ममा काम गरेका छन् । आफ्नो लागि केही गरौंला, परिवारको लागि घर बनाउँला र भविष्यको लागि केही पैसा जोहो गरौंला भनेर यी कलाकारहरुले अभिनयलाई आफ्नो पेशा बनाएका होइनन् । यहाँ दिइएका कलाकारहरु कुनै न कुनै रुपमा राज घरानासँग सम्बन्धित छन् जसलाई अभिनयको रहरले यो मायानगरीमा ल्याइपुर्याएको छ ।

भाग्यश्रीः
‘मेने प्यार किया’ जस्तो सुपरहिट फिल्मबाट आफ्नो करियरको सुरुवात गर्ने भाग्यश्री महाराष्ट्रको सांगली जिल्लाको एक राजघरानासँग सम्बन्धित छिन् । भाग्यश्रीका बुवा विजय सिंहराव सांगलीका राजा हुन् ।
अदिती रावः
बलिउडकी अभिनेत्री अदिती राव हैदरी दो राजघरानासँग जोडिएकी छिन् । अदिती किरण रावकी नातेदार त हुन् नै साथै उनी आसामका पूर्व गर्भनर अकबर हैदरीकी नातिनी हुन् ।
किरण रावः
आमिरकी दोस्री श्रीमती किरण रावका जिजुबुवा जे. रामेश्वर राव तेलंगनाको महबूबनगरका महाराजा थिए ।
सेफ अली खानः
बलिउडमा पटौदी खानदान आफ्नो घरानाको लागि चर्चित छ । यो खानदान भोपालको पटौदी खानदानसँग सम्बन्धित छ । सेफका बुवा मंसूर अलि खान पटौदी भारतीय क्रिकेट टिमका कप्तान त थिए नै, उनी सन् १९५२ देखि सन् १९७१ सम्म पटौदी खानदानका राजा पनि थिए ।
सोहा अली खानः
सेफकी बहिनी सोहा खान पनि फिल्ममा सक्रिय छिन् ।
सोनलः
फिल्म जन्नतकी नायिका सोनलको राज परिवारसँग नाता जोडिएको छ । सोनल भारतको उत्तर प्रदेशको मनपुरीको एक राजपूत परिवारसँग सम्बन्ध छ ।