काठमाण्डु, १३ असार– रौतहटमा रहेका नेकपा माओवादी केन्द्रका अध्यक्ष पुष्पकमल दाहाल प्रचण्डलाई सोमबार दिउँसो काठमाण्डुबाट प्रधानमन्त्री केपी शर्मा ओलीले टेलिफोन गरेका छन् ।
जनकपुरको एक कार्यक्रममा भाग लिएर रौतहट पुगेका प्रचण्डलाई सोही क्रममा ओलीले फोन गरेको स्रोतले बतायो ।
कांग्रेसले संसदअबरुद्ध गरेको विषयमा प्रमुखप्रतिपक्ष दल नेपाली कांग्रेससँग छलफल गर्नुअघि ओलीले प्रचण्डसँग फोनमार्फत सुझाव मागेका थिए ।
जवाफमा प्रचण्डले दुवै पक्ष लचिलो भएर विवाद मिलाउन सुझाव दिएका थिए । कांग्रेसले तत्काल भूकम्पपीडितलाई दुई लाख रुपैयाँ दिनुपर्ने माग राखेको विषयमा प्रचण्डसँग ओलीलाई पुरानो कार्यबिधिअनुसार पैंसा दिन नमिल्ने भए नयाँ कार्यबिधि बनाएर दुई लाख नभएर तीन लाख नै दिन सुझाएको बुझिएको छ ।
ओली पनि हालको कार्यबिधि परिवर्तन गरेर भूकम्पपीडितलाई तीन लाख दिन सहमत भएका छन् । कार्यबिधि बनाउने विषयमा प्रचण्ड फर्किएपछि शीर्ष नेताबीच आजै छलफल हुने सम्भावना रहेको छ ।
No comments:
Post a Comment