बाबुरामलाई फलोअरको प्रश्न, ‘पत्रिका बोलेको हो कि भारु बोलेको हो डा’साब ? ’

काठमाण्डु, ३० जेठ– पार्टी घोषणाको दिन आज आइतबार बिहानै सबैजसो दैनिक पत्रिकामा नयाँ शक्तिको विज्ञापन छ ।

विज्ञापन छापिएका पत्रिकाहरुको फोटोसहित संयोजक बाबुराम भट्टराईले सामाजिक सञ्जाल फेसबुकमा लेखे, ‘पत्रिका आफै बोल्छन् ।’

भट्टराईको फोटो र क्याप्सनपछि धेरैले प्रतिक्रिया दिए, ‘यो फोटो बोलेको होइन, भारु बोलेको हो ।’

फोटो क्याप्सनमा केहीले बाबुराम भट्टराईको भिजनको प्रसंशा गरेका छन् । नयाँ शक्तिले नेपालको राजनीतिको कोर्स परिवर्तन गरिदिने विश्वास पनि व्यक्त गरिएको छ ।