जहाँ गाईभन्दा ‘महिला’ सस्तो पाइन्छ

 भारतको हरियाणा निवासी आस मोहम्मदले आफ्नी श्रीमती बिचौलियासँग करिब साढे तीन हजार भारतीय रुपैयाँमा किनेका थिए । यो मूल्य एउटा गाईकोभन्दा पनि कम हो।तर, उनलाई यसमा कुनै बिश्मात छैन।
उनी भन्छन्–यो कुरा सही हो कि मेरी श्रीमतीको मूल्य एउटा गाईकोभन्दा पनि कम थियो। तर, यदि मेरा छोराहरुका लागि दुलही पाइन भने म त्यही प्रक्रिया दोहोराउनेछु ।
आठ सन्तानकी आमा ती महिला भन्छिन् कि उनीहरुको जिन्दगी दासको जस्तै छ । उनले भनिन्–जब म १२ वर्षकी थिएँ तब मेरा श्रीमानले मलाई यहाँ ल्याएका थिए । उनले मलाई पिटिरहे । तर, म केही पनि गर्न सक्दिनँ थिएँ । किनभने म कतै पनि जान सक्दिन थिएँ ।
भारतको केही भागमा दुलही किन्ने प्रथा अहिले पनि छ । हरियाणमा यो समस्या अझ गम्भीरछ ।
महिलाप्रति पुरातन पूर्वाग्रह र अल्ट्रासाउन्डजस्तो लिंग परीक्षण गर्ने आधुनिक प्रविधिका कारण कन्या भ्रुणको गर्भपतन सम्भव भएकोछ। यही कारणले भारतका अन्य स्थानमा पनि महिलाको अनुपातमा पुरुषको संख्या धेरै छ ।
सुखी जीवनको सपनामा हजारौ महिला र बालिकाहरुलाई बरगलाया लाइन्छ र उनीहरुलाई विवाहका लागि बेच्ने गरिन्छ ।कतिपय अवस्थामा त उनीहरुको अपहरणसमेत गर्ने गरिन्छ। बिचौलियाहरुले त यसरी पैसा कमाउँछन् तर पीडित महिलाले जीवनभर हिंसा र यौन दुर्व्यवहारको सामना गर्नुपर्दछ ।
एक बिचौलियाले बीबीसीसँग भने–म स्वयमले पनि अन्य बिचौलियासँग आफ्नी श्रीमती किनेको हुँ । त्यसपछि मैले पनि आफ्नो परिवार जनाउनका लागि यही काम सुरु गरेँ ।
उनी आफूले राम्रो काम गरिरहेको दावीसमेत गर्छन्। उनले गरेको कामबाट दुवै पक्षले लाभ लिने उनको दावी छ ।
सडक किनारमा एउटा झोपडी बनाएर आफ्ना बालबच्चाका साथ बसिरहेकी रोशनी भन्छिन्–मलाई मेरो श्रीमानको निधनपछि घरबाट निकालियो। श्रीमानका भाइले जबरजस्ती विवाह गर्न चाहेको र आफूले अस्वीकार गरेपछि घरबाट निकालिएको रोशनीको भनाइ छ।
लैंगिक पूर्वाग्रहको जड यति बलियो छ कि जन्मभन्दा पहिला नै बालक र बालिकाबीच भेदभाव गर्ने गरिन्छ । एजेन्सी