बाबुले गाली गरेको निहुँमा छोराद्वारा आत्महत्या

सर्लाही, कात्तिक ५ – बाबुले गाली गर्दा सर्लाहीको पिपरिया गाविसका एक युवकको विष सेवन गरेर मृत्यु भएको छ ।


घरायसी विवादका क्रममा पिपरिया गाविस–२ निवासी जोगिन्दर साहले गाली गर्दा उनका २४ वर्षीय छोरा दीपेन्द्रले आवेगमा आएर गएराति घरमै विष सेवन गरेका थिए ।


सल्फर नामक विष सेवन गरेका दीपेन्द्रको सदरमुकाम मलङ्गवास्थित जिल्ला अस्पतालमा उपचार गराउँदा गराउँदै राति १०ः३० बजेतिर मृत्यु भएको जिल्ला प्रहरी कार्यालयले जनाएको छ ।