“नशा”पछि आफ्नो दोस्रो फिल्म खेल्दै पुनम, भनिन,”आफ्नो फ्यानहरुलाई खुशी पर्ने छु”

बलिवुड जगतमा प्राय विवादमा आइ रहने मोडेल तथा अभिनेत्री पुनम पाण्डे अब दोस्रो फिल्ममा देखिने भएकी छन् | आफ्नो पहिलो फिल्म “नशा” पछि आएका थुप्रै फिल्महरुको अफरलाई रिजेक्ट गरेको बताउने पुनमले “द वर्ल्ड नेटवर्क्‍स” प्रोडक्सनका निर्माताले प्रस्ताव राखे पछि आफ्नो करिअरको दोस्रो फिल्ममा अभिनय गर्न तयार भएकी हुन् |

आफ्नो दोस्रो परियोजनाका लागि यस फिल्म उपयुक्त रहेको बताउने पुनमले यसमा अभिनय गर्नका लागि आफु निकै उत्साहित रहेको बताईन | उनले आफ्नो पहिलो फिल्म “नशा” कम्जोर मार्केटिङका कारण असफल बनेको हुँदा आफुले यस फिल्ममा “नशा”बाट सिकेका राम्रा पक्षहरुको प्रयोग गरि आफ्ना फ्यानहरुलाई खुशी पर्ने बताईन |

पहिलो पटक फिल्म बनाउन लागेको “द वर्ल्ड नेटवर्क्‍स” प्रोडक्सनको बारेमा जानकारी दिदै आफ्नो दोस्रो फिल्मबारे विश्वस्त रहेको बताउने पुनम भन्छिन, “निर्माताले यस फिल्म मार्फत मेरो आफ्नो भाग्य खोलि दिनु हुनेछ |” सन् २०११ मा भारतमा भएको विश्व कपबाट चर्चामा आएकी पुनमलाई के यस फिल्ममा तपाइले अङ्ग प्रदर्शन गर्नु हुन्छ त ? भनेर सोधिएको प्रश्नमा उनले भनिन,”म मेरा श्रोताहरुलाई निराश हुन दिने छैन, तर यस फिल्ममा यो बाहेक अरु धेरै संवेदनशील विषयहरु उठाउन खोजिएको छ |”