प्रचण्डको जीवनशैली शाही खानदानी युक्त : द टेलिग्राफ

भाद्र २ गते
काठमाडौँ,  एकीकृत  नेकपा माओवादीका अध्यक्ष पुष्पकमल दाहाल ‘प्रचण्ड’ ले एशियाकै धनाढ्यको जीवनशैली अपनाइरहेको समाचार विश्व कै चर्चित् सञ्चार माध्यम बेलायतको टेलिग्राफ पत्रिकाले छापेको थियो । लामो अध्ययन, अनुसन्धान र प्रमाणपछि उक्त पत्रकाले यो तथ्य खुलासा गरेको थियो ।
यसबाट एमाओवादी अध्यक्ष प्रचण्डमाथि लागेको अरबौं रुपैयाँ भ्रष्टाचार तथा बिलासिताको आरोप पुष्टि भएको छ ।

दि टेलिग्राफले प्रचण्डको जीवनशैली खरबपतिको जस्तो भन्दै विशेष आलेख नै छापेको थियो । उनको जीवनशैलीका बारेमा पार्टीभित्रै पनि पटक पटक प्रश्न उठेपछि छानबिन समिति समेत बनेको थियो ।

टेलिग्राफमा डीन नेल्सनले लेखेका छन्,  ‘पुष्पकमल दाहाल प्रचण्ड, जो कुनै समय नेपालका राजनीतिक र फौजी सम्भ्रान्तहरूको मुटुमा ढ्यांग्रो ठोक्ने हैसियत राख्थे अहिले तिनै नेता खरबपतिका जस्तो शाही खानदानी जीवनशैली अपनाइरहेका छन् ।

काठमाडौंको लाजिम्पाटमा रहेको रातो ईंटाको बिलासी घरमा उनी बस्छन्, जहाँ उनका छिमेकी बनेका छन् उनकै पूर्व वर्ग शत्रु जनरल शान्तकुमार मल्ल । अवकाशप्राप्त जनरल मल्ल पूर्वराजा वीरेन्द्रका सैन्य सल्लाहकार हुन् । प्रचण्ड बस्ने घरको कम्पाउण्डभित्र १५ वटा स्वीट रुम, अफिस र पारिवारिक आवासगृह मात्र छैन दशवटा कार अट्ने पार्किङ छ ।

त्यहीँभित्र ब्याडमिन्टन कोर्ट पनि छ । परिवारका अनुसार त्यो भवन प्रतिमहिना आठसय डलरमा भाडामा लिइएको छ । जुन रकम नेपालीहरूको औसत मासिक कमाई २ सय डलरको चौबर हो ।’  यद्यपि त्यो भवन प्रचण्डले किनिसकेको बताइएको छ ।
नेपलपाटी अनलाइन
भिडियो हेर्न तल क्लिक गर्नुहोस :