अमेरिकी भिसाको ३५ लाख !

काठमाडौं,भदौ ९–अमेरिकाको भिसाका लागि एक व्यक्तिले ३५ लाख रुपैयाँसम्म खर्च गरेको खुलेको छ । यसरी रकम बुझाउने तनहुँकी बालकुमारी रेग्मी अध्यागमनको हिरासतमा पुगेकी छन् ।
अमेरिका छिर्न भन्दै रेग्मीले ३५ लाख रुपैयाँ बुझाएपछि भिसा त पाइन तर अमेरिका उड्न सकिनन् ।ठगको एक गिरोहले अमेरिकाको भिसा मिलाईदिने भन्दै उनीसँग पैसा लिएको हो । पैसा लिएपछि गिरोहले भारतमा पुगेर भिसा पनि लगाईदियो तर भिसा नक्कली थियो ।
अमेरिका सपना बोकेर विमानस्थल पुगेकी रेग्मीलाई केही समयअघि अध्यागमन विभागले पक्राउ गरेको थियो ।१३ दिनसम्म हिरासतमा बसेर उनी धरौटीमा छुटेकी छिन् । नक्कली भिसा प्रयोग गरेको आरोपमा अध्यागमनले उनलाई थुनामा राखेको हो ।
रेग्मीलाई ठगी गर्ने मुख्य नाइके जेल चलान भएका छन् । सिन्धुपाल्चोकका नरेन्द्र पण्डित, उनकी श्रीमती शोश्विता पन्तले रेग्मीलाई ठगी गरेका हुन् ।पण्डितलाई काठमाडौं जिल्ला अदालतले आइतबार पुर्पक्षका लागि जेल चलान गरेको छ भने उनकी श्रीमती शोश्वितालाई पाँच लाख रुपैयाँ धरौटीमा छाड्ने आदेश दिएको आजको नयाँ पत्रिका दैनिकमा खबर छ ।

भिडियो हेर्न तल क्लिक गर्नुहोस :