गुडिरहेको कारमै सामुहिक वलात्कारमा परिन् २ सन्तानकी आमा

१९ साउन, कोलकाता ।
भारतको पश्चिम बंगाल कोलकातामा एक २७ वर्षीया महिला गुडिरहेको कारमै सामूहिक बलात्कारको शिकार भएकी छिन् । २ सन्तानकी आमा महेश्थलाको आक्रा नजिकै गत विहीबार सामूहिक वलात्कारमा परेकी हुन् ।
एक समूहले कारमा रहेकी ती महिलालाई कारभित्रै बलात्कार गरेर बाहिर निकालेर कुटपिट समेत गरेको टाइम्स अफ इण्डियाले जनाएको छ ।
प्रहरीले बलात्कारमा संलग्न भएको अभियोगमा ४ जनालाई पक्राउ गरेको छ ।
 ती महिला केही वर्ष अघि श्रीमानसँग छुट्टिएको र एक साथीसँग कतै घुम्न जाँदै गर्दा बाटैमा बलात्कारमा परेको प्रहरीले जनाएको  छ ।
भारतमा यस प्रकारका सामूहिक वलात्कारका घटनाले समय समयमा ठूला ठूला बहस छेडिने गरेका छन् । गत वर्ष राजधानी नयाँ दिल्लीमा एक बसमा प्रेमीकै अगाडी एक युवती बलात्कृत भएपछि भारतभरी प्रदर्शन भएको थियो ।